294               TESTAMENTS ENREGISTRÉS AU PARLEMENT DE PARIS            (534)
Item, je laisse à l'euvre de Saint Merry trente deux solz Parisis, et pour le poile qui sera ou cuer quarante solz Parisis, et prie aux mar-regliers qu'ilz se vueillent à tant passer,
Item, je laisse aux curez de Saint Merry seze solz Parisis, aux cha-pellains huit solz Parisis et aux clers quatre solz Parisis.
Item, je vueil avoir chascun jour depuis mon trespassemen t jusques à l'acomplissement des diz services une messe de Requiem du moins, et pour chascune messe je laisse deux solz Parisis; et soit bien ad­verti cest article avec celluy qui est cy dessus, qui parle de trois au-' mosnes jusques à huit jours, pour ce que sont ceulx qui sont à executer des premiers.
Item, je vueil que, tantost après iceulx services faiz et acompliz, des le lendemain qui pourra, on face commencier demi anué de Re­quiem pour moy et pour tous les Trespassez en la dicte eglise de Saint Merry, et pareillement ce jour demi anué en la dicte eglise parro-chial de Coulommiers, telement que tout l'anué soit fait en demi an es dictes eglises qui pourra, c'est assavoir, une messe chascun jour en chascune d'icelles eglises, jusques à demi an; pour lequel anué je laisse trente deux livres Parisis, c'est assavoir, à chascune eglise seze livres Parisis, et vueil et ordene que au dymenche et autres festes dont on fera solennité es dictes eglises, ceulx qui feront ycellui demi anué chantent du jour et non pas des Trespassés, fors seulement qu'ilz en facent memoire.
Item, je vueil et ordene que, tantost après ycellui anué fait et par­fait par la maniere que dit est, et des le lendemain qui pourra, l'en face commencier à dire les messes qui s'ensuivent, dont la moitié en sera dicte en la dicte eglise de Saint Merry, et en la dicte eglise par-rochial de Coulommiers l'autre moitié; et que l'on commence ainsi tost en l'une comme en l'autre, qui pourra, c'est assavoir, én l'eglise Saint Merry cinq messes du saint Esperit, cinq messes de la Trinité, cinq messes de la Croix, cinq messes de Nostre Dame, cinq messes des Angles et Archangles, cinq messes de saint Jehan Baptiste, cinq messes des Apostres, cinq messes particulieres de saint Andrieu, cinq